GENERAL SANTOS CITY – Sugod ugmang adlawa Hunyo 16, 2025 maningil ang Civil Aviation Authority of the Philippines (CAAP) og ‘parking fee sa General Santos City Airport.
Matud pa ni Joel Gavina, airport manager sa sa General Santos City Airport nga base kini sa CAAP Memorandum Circular No. 019–2025, ilawom sa Republic Act 9497, nga nagtugot sa pag-regulate sa bayad sa paggamit sa mga pasilidad sa airport.
Base sa parking rates, sa unang duha ka oras, ang mga bus magbayad og P100, kotse P50, og sa motorsiklo P25 ang bayran nga parking fee.
Samtang ang sunod nga oras gikan sa pagkahuman sa duha ka oras, ang bayran nga parking fee sa bus ang P50, sa mga kotse P25, motorsiklo 15.
Ang tanan nga bayad apil na sa Value Added Tax (VAT).
Gipasalig ni Gavina nga adunay i-isyu nga resibo sa gibayrang parking fee.
