-- ADVERTISEMENT --
Misupak si Mamamayang Liberal party-list Representative-elect Leila De Lima sa pagtandi ni Bise Presidente Sara Duterte sa iyang impeachment trial ngadto sa “paglansang sa krus” ukon ang ‘crucifixion”.
Matud niini nga ang impeachment trial maghatag og kahigayonan kang Duterte sa pagpasabot sa mga pasangil batok kaniya.
Sa bag-o lang nga interbyu, si Duterte niingon nga ang iyang impeachment usa ka political persecution.
Kahibaluan nga g i-impeach sa House of Representatives si VP Sara Duterte kaniadtong Pebrero 5 ug gipadala ang Articles of Impeachment ngadto sa Senado sa susamang adlaw.
Ang Senado wala pa makasugod og pormal nga deliberasyon sa impeachment case.
