Nakadawat ang walo ka sibilyan nga impormante sa Philippine Drug Enforcement Agency og kinatibuk-ang P11,633,843 nga ganting salapi alang sa ilang serbisyo.
Kabahin kini sa monetary incentive program sa PDEA nga Operation: Private Eye.
Usa sa maong mga impormante maoy yawe sa pagkasakmit sa mga operatiba og 49,705.20 gramos nga shabu nga mokabat ngadto sa P340 milyones.
Sa tabang niini, nasikop ang duha ka mga suspek human sa gipahigayong buy-bust operation sa Barangay Putatan, Muntinlupa City.
Laing impormante maoy nisangpot sa pagkasakmit og 39,859.60 gramos nga shabu nga gibanabanang mobalor og P272 milyones.
Matod ni PDEA director general Undersecretary Isagani Nerez, matag bililhong impormasyon adunay presyo.
Matod niya nga dako sab og tabang kon ang tanang komunidad magpabiling mabinantayon aron hingpit nga mawagtang ang ilegal nga drugas sa nasod.
