Kapin 400 Automated Counting Machines para sa May 12 elections sa nadeliver na sa GenSan

GENERAL SANTOS CITY- Niabot na sa dakbayan sa Heneral Santos ang mga gipadala sa Commission on Elections (Comelec) Central Office ang mga Automated Counting Machines (ACM) para gamiton sa May 12 national and local elections.

Matud ni Atty. Sittie Sharmaine M. Papandayan-Garangan, City Election Officer sa Comelec-Gensan, katibuk-ang 425 ka ACM ang temporaryong ibutang sa hub sa Lagao gymnasium.

I-distribute ang ACMs ngadto sa 55 voting centers sa tibuok syudad pagkahuman ang final testing and sealing niini karong Mayo 7.

Lakip sa na-deliver ang mga ballot boxes, external batteries og Consolidation and Canvassing System (CCS) Kit sama sa mga laptop ug printers.