Nahatod na sa ulahing kapahulayan ang national artist nga si Nora Aunor sa Libingan ng mga Bayani.
Alas-12:00 sa udto gihimo ang state funeral para sa superstar.
Siya mipanaw kaniadtong Abril 16, 2025, sa edad nga 71.
Isip usa ka national artist, gihatagan siya og state funeral nga gipahigayon sa Metropolitan Theater sa Maynila una ang iyang lubong.
Daghang fans ang mitambong sa necrological services para maghatag ug respeto sa iyang dili matupngan nga kontribusyon sa pag-arte og pelikula.
Silang Lotlot og Ian de Leon, ang naghatag og emosyonal nga tribute sa ilang inahan nga gihinumdom isip kahayag nga dili gayud mawala.
Ang iyang mga pelikula susama sa “Himala” og “Bona” ang subling gipalabas isip kabahin sa paghinumdom sa iyang legasiya.
Ang pagpanaw niya nagresulta og grabenng kasubo sa industriya sa pelikula, apan ang iyang pag-arte ang magpabiling buhi sa kasingkasing sa iyang mga fans.
