Padayon pang ginasuta karun sa Maasim Municipal Police Station ang motibo sa natigayong pagpamusil sa biktimang giila nga si Jerwin Malantao, 33 anyos, minyo, mag uuma, ug residente sa Prk. 4, Barangay Nomoh, Maasim, Sarangani Province.
Samtang ang suspek ang giila sa kapulisan nga si alyas Melvin, anaa sa legal nga pangidaron, minyo ug residente sa Brgy. Amsipit Maasim Sarangani Province.
Gikabutyag nga natigayon ang maong insidente kagahapon, Abril 21 alas 2 sa hapon sa Purok 4, Barangay Nomoh, Maasim, Sarangani Province.
Sa inisyal nga imbestigasyon sa Maasim MPS dunay usa ka concerned citizen ang nga report sailang buhatan nga adunay pagpamusil nga natigayon sa maong lugar.
Ang biktima ang daling gidala sa pinaka doul nga balay tambalanan ug kasamtangan nga anaa na sa luwas nga kahimtang.
Sa karun ang mga awtoridad sa Maasim MPS ang padayon nga nagpahigayon ug follow-up investigation ingon man hot pursuit operation.
