Mukabat sa 42 samaron human maaksidente ang pribado nga jeep sa Brgy. Maninila, Miagao, Iloilo samtang nagapadulong sa outing karong Sabado de Gloria.
Sa interview sa Bombo Radyo kay Police Captain Francis Donne Lomahan, Hepe sa Miagao Municipal Police Station, iyang gibutyag nga gikan sa Brgy. Baong, Alimodian, Iloilo og padulong unta sa San Joaquin, Iloilo aron mag-outing sa usa ka beach resort.
Subay sa inisyal nga impormasyon, gidala sa Guimbal District Hospital ang 60 nga naangol nga gilangkoban sa 13 ka mga menor de edad.
Dugang pa sa nahisgotan nga overloading ang sakay sa maong jeep kun diin may nakasakay pa sa ibabaw.
Base usab sa inisyal nga imbestigasyon, posible nga nagbuto ang ligid sa jeep nga hinungdan sa aksidente apan padayon pa sa gihapon ang imbestigasyon sa kapulisan sa nahitabo.
