Nabawi na sa Department of Education (DepEd) ang P65 milyones gikan sa mga pribadong tunghaan nga adunay iregularidad sa ilang SHS Voucher Program (SHS-VP) claims para sa SY 2021-2022 ug 2022-2023.
Sa 54 ka mga tunghaan nga gitangtang sa programa, 38 ang nakadawat na og full refund, duha ang nakadawat og partial refund, samtang 14 pa ang padad-an og final demand letters.
Ingon man nga nagpadayon pa gihapon ang imbestigasyon aron masuta kung adunay kaso sa pagpanikas diin sa SY 2023-2024, 12 ka mga tunghaan ang giimbestigahan sa DepEd, samtang tulo ang naduso na sa NBI.
Sugod sa SY 2024-2025, ang DepEd ug ang Private Education Assistance Committee (PEAC) nagpalig-on pa sa oversight measures sama sa 100% system audits ug random field visits aron malikayan ang mga iregularidad.
Matod ni Education Secretary Sonny Angara, ila pang gipalig-on ang mga proseso sa validation ug gipatubag ang mga nakalapas aron mabalik ang pagsalig sa SHS Voucher Program.
