Magpabiling maunongon ang Armed Forces of the Philippines (AFP) sa Konstitusyon.
Kini maoy gipasalig ni AFP Deputy Chief of Staff Lt. Gen. Jimmy Larida nga anaa sa political noise human masikop si kanhi Presidente Rodrigo Duterte.
Sa press briefing sa Malacañang, gipasiugda ni Larida nga dili mosugot ang militar sa kasaba sa politika.
Giinsister ni Larida nga ang mga mando ni AFP Chief Gen. Romeo Brawner Jr. ngadto sa mga field commanders nga magpabiling maunongon sa bandila sa Pilipinas ug mobuhat sa ilang trabaho subay sa Konstitusyon.
Sa isyu sa posibleng mga rally sa protesta karong Biyernes, dungan sa adlawng natawhan ni kanhi Presidente Duterte, si Larida niingon nga kon hangyoon sa Philippine National Police (PNP), andam silang mosuporta sa pagpatuman sa balaod tungod kay usa kini sa mandato sa AFP.
Apan giklaro ni Larida nga wala siyay awtoridad sa pagsulti bahin sa operational ug uban pang taktikal nga butang.
