Netanyahu gipasidan-an ang Hamas nga aduna pay mga sunod nga mga pag-atake

Gipahimangnoan ni Israeli Prime Minister Benjamin Netanyahu nga ang gihimong binuntagay nga pag-atake sa Gaza ang sinugdanan lamang sa grabeng pag-atake.

Gibutyag niini nga sa mga sunod nga adlaw magpahigayon pag-usab sila og mga grabeng pag-atake sa Gaza.

Dugang pa niini nga nabati na sa Hamas ang puwersa sa Israel sa sulod sa 24 oras.

Gipahigayon niini ang maong pag-atake aron mapugos ang mga Hamas nga buhian ang mga bihag nga ilang gigunitan.

Kahinumduman nga sa nangaging 24 oras, miabot na sa 400 katao ang namatay sa airstrike sa Israel nga ang naigo mao ang mga balay sa Gaza.