-- ADVERTISEMENT --
Modumala si Manila Archbishop Jose Cardinal Advincula sa Ash Wednesday mass sa Manila Cathedral karong Marso 5, nga nagtimaan sa pagsugod sa Kwaresma.
Base sa pahibalo niini sa ilang Facebook page, si Cardinal Advincula maoy mangulo sa ikatulong misa alas 6 sa gabii.
Ang unang duha ka misa himuon sa alas 7:30 sa buntag ug alas 12:10 sa udto nga pangunahan sa kura paroko sa katedral, Fr. Rolly dela Cruz ug ang ikaduhang pari nga si Fr. Viel Bautista
Sa pagpangandam sa 40 ka adlaw sa Kwaresma, ang Manila Cathedral naghan-ay sa duha ka eskedyul alang sa Sakramento sa Pagkumpisal — gikan sa alas 10 sa buntag hangtod sa udto ug gikan sa alas 3 sa hapon hangtod sa alas 5 sa hapon.
