Ang Commission on Elections (Comelec) sa kataposan nipasaka og kaso batok sa abogado ug Information and Technology (IT) expert nga si Atty. Harold Respicio, kalabot sa iyang video content kalabot sa giingong posibilidad sa pag-hack sa 2025 midterm elections.
Kahinumdoman nga nakuha ni Respicio ang atensyon sa Comelec gikan sa iyang natangtang na nga video content sa social media nga nagkanayon nga mahimong ma-hack ang Automated Counting Machine (ACM) ug madaya ang resulta sa eleksiyon kon konektado sa internet ang mga ACM sa dili pa maprinta ang election return.
Samtang, gipasabot pag-usab ni Respicio sa iyang pinakaulahing TikTok content niadtong Marso 1, 2025, ang iyang giingong intensyon nganong iyang gibuhian sa publiko ang giingong lusot ug kahuyang sa proseso sa Comelec sa Mayo nga eleksyon.
