Padayon nga nagpalig-on ang Philippine Navy sa presensya niini sa mga dagkong kadagatan sa nasud.
Kini nunot sa maritime ug sovereignty patrols nga gihimo sa BRP Ramon Alcaraz sa area of operation sa Naval Forces Western Mindanao.
Partikular nga gilibot sa BRP Ramon Alcaraz ang mga isla sa Sibutu, Scalangcalong ug Bongao sa Tawi-Tawi aron masiguro ang kaluwasan sa mga mangingisda nga Pilipino.
Sumala sa Navy, kini giubanan sa aerial patrols sa NH434 Naval Helicopter aron sa paghatag og real-time nga pag-monitor ug pagpalapad sa iyang operational reach.
Dugang pa sa Navy nga ang pagpatrolya niini kabahin sa ilang pagsuporta sa Trilateral Cooperative Arrangement aron mapugngan ang bisan unsang matang sa transnational crime sa nasangpit nga kadagatan.
