Wala nakaangay ang Malacañang sa giingong pag-aghat ni Bise Presidente Sara Duterte sa publiko aron masuko ang gobyerno.
Kini nunot sa pamahayag sa bise presidente sa indignation rally nga gitambongan sa Mandaue City, Cebu nga katungod sa katawhan nga masuko aron mahibaw-an sa kagamhanan ang gibati sa katawhan.
Sa press briefing sa Malacañang, si Palace Press Officer Atty. Claire Castro nag subo nga gidasig sa ikaduhang presidente sa nasud ang mga tawo nga masuko sa kagamhanan inay nga magtinabangay alang sa pagtuboy sa nasud.
Matod niya naabot na niya si Presidente Marcos Jr. ang gisulti ni VP Sara apan wala na kini siloti.
Matod niya, nahibulong lang ang Palasyo kung nganong wala mosulti sa publiko si VP Sara nga nasuko usab siya sa iyang amahan niadtong Presidente pa siya kay ginganlan si kanhi Presidente Duterte nga “most corrupt” niadtong 2017.
Dugang pa niini nga wala siyay nadunggan gikan ni Presidente Marcos Jr. kalabot sa giingong anomaliya sa Department of Education (DepEd) diin si VP Sara ang kalihim, partikular ang nausik nga pundo tungod sa dunot nga pagkaon nga gitumong sa mga tinun-an.
