Mitaliwan na ang Grammy-winning soul singer nga si Roberta Flack sa edad nga 88. Matud sa iyahang publicist nga si Elaine Schock , nga migrabe ang iyang amyotrophic lateral sclerosis o ALS nga sakit.
Si Elaine ang adunay 14 ka Grammy nominasyon ug nakadaog og lima ka awards.
Nakadaog usab kini og lifetime achievement awards sa 2020 ug Record of the Year. Natawo sa Black Mountain, North Carolina ug nagdako sa Arlington, Virginia diin sa edad nga 9 nakadawat siya og classical music training sa musika ug nagtuon usab sa piano.
Ang una niyang kanta mao ang “First Take” nga gisundan sa iyang bersyon sa “The First Time Ever I Saw Your Face” nga gigamit sa pelikula ni Clint Eastwood ug ang kanta nagpabilin sulod sa unom ka semana sa Billboard Hot 100 ug nakadaog usab sa Record of the Year sa 1973 Grammy Awards.
Niadtong 1973, gipagawas niya ang rekord nga “Killing Me Softly” diin nagpabilin kini sulod sa lima ka semana sa Billboard Chart.
Ang maong kanta nakadaog og duha ka Grammys niadtong 1974 isip Record of the Year ug Best Pop Vocal Performance sa female artist.
Aduna usab kini mga kanta nga naghisgot sa civil rights, equal rights, poverty, hunger ug pag-antos sa katilingban
