-- ADVERTISEMENT --
Niisistir si Senate President Chiz Escudero nga dili siya interesado nga mopuli isip Bise Presidente sa nasod, kon ugaling madayon ang impeachment trial ni Bise Presidente Sara Duterte- Carpio.
Matud niya nga bisan og abri siya sa posibleng pagpilian sa Presidente isip Bise Presidente, iyang giklaro nga dili siya interesado sa maong posisyon.
Kahinumdoman nga makapila na ka higayon nga naghisgot ang Senate President nga dili siya automatic nga mosaka sa posisyon sa pagka Bise Presidente kung ma-impeach si VP Sara, subay sa nalatid sa Section 9 sa Article VII sa 1987 Constitution.
Gihisgotan usab ni Escudero nga dili maayong ideya kon siya ang mohulip sa giingong nabakanteng posisyon sa Bise Presidente.
