Alang sa duha ka lider sa Kamara dili na kinahanglan nga magpatawag og special session si Pangulong Ferdinand Bongbong Marcos Jr. o kamandoan gikan sa Korte Suprema para masugdan sa Senado ang impeachment trial ni Vice President Sara Duterte.
Matod kang House Assistant Majority Leader og Tingog Party-list Rep. Jude Acidre, klaro ang direktiba nga nakalatid sa Konstitusyon nga angayang aksyunan dayon sa Senado ang impeachment case nga gipadala sa Kamara.
Gihingusgan usab ni House Assistant Majority Leader og Ako Bicol Party-list Rep. Jil Bongalon, dili abli sa interpretasyon ang probisyon sa Konstitusyon nga nagkanayong kinahanglan nga sugdan nga walay pagkalangan ang impeachment trial.
Gipaklaro ni Bongalon, mahimong mag-convene ang Senado isip impeachment court bisan naka-recess ang Kongreso kung magkasabot ang mga miyembro niini.
