Gipagawas na sa Missosology ang ilang first hot picks para sa paabuton nga Miss Universe Philippines 2025 pageant.
Sa latest post, nanguna sa lista si Tyra Goldman sa Bohol, ginasundan ni Katrina Llegado sa Taguig, og Jarina Kumari Sandhu sa Isabela.
Sulod usab sa Top 5 si Yllana Aduana sa Siniloan, Laguna og si Ahtisa Manalo sa Quezon Province.
Ang uban pa nga beauty queens nga anaa sa Top 20 list mao si Chelsea Fernandez sa Sultan Kudarat nga ikapito; si Eloisa Jauod sa Laguna nga ikawalo og si Winwyn Marquez sa Muntinlupa nga ikanapulo.
Kahibaluan nga 68 ka mga kandidata na lang ang naga-compete para sa korona karong tuiga human nga nag-atras na ang kandidata sa Filipino community sa Los Angeles, California nga si Hanna Michelle Gilmore.
Ang magdaog ning tuiga ang koronahan ni Miss Universe Philippines 2024 og reigning Miss Universe Asia Chelsea Manalo.
Ang magdaog ang magrepresenta sa Pilipinas sa Miss Universe 2025 sa Nobyembre 21 sa Impact Muong Thong Thani Arena sa Bangkok, Thailand.
