Ginatugtan sa Commission on Elections (COMELEC) ang ‘negative campaigning’ .
Matud ni Commission on Elections Chairman (COMELEC) George Erwin Garcia nga bisan ilaha kining gina tugtan mamahimo gihapon sila muatubang sa kaso nga libel ug cyberlibel ang usa ka kandidato o supporters kung musubra na sa negative campaigning.
Dugang pa ni Garcia na ang ‘negative campaigning’ ang ilawom sa RA No 9006 o Fair Elections Act sa COMELEC Resolution 11086.
Matud pa niini gawasnon ang mga supporter sa pagsulti sa bisan unsang pamahayag, pabor man kini sa usa ka kandidato o bisan batok kaniya.
Kalabot niini, giingnan usab ni COMELEC Chairman Garcia ang mga kandidato nga likayan ang maong mga negatibong pamahayag sa ilang mga political rally tungod kay dili kini ang tukmang plataporma alang niini.
Matod niya, padayon gihapon ang respeto sa ilang pagpangampanya.
Dugang pa niya nga wala silay hurisdiksyon sa mga lihok o pulong sa mga dumadapig o kandidato, sama sa bag-o lang nga binayloay sa mga tirada nila ni kanhi Presidente Rodrigo Duterte ug Presidente Ferdinand Marcos Jr.
Matod niya, kabahin kini sa ilang kagawasan sa pagpadayag.
Apan iyang giklaro nga mahimo pa silang mag-atubang og kasong libel o cyberlibel ug mahimo usab nga imbestigahan sa ubang ahensya sa gobyerno ang ilang mga pamahayag..
