Gikatakdang muoli karong gabie ang men’s national curling team.
Kini human nga mabulsa nila ang labing una nga gold medal sa Pilipinas sa gisalmotan nila nga 2025 Asian Winter Games sa China.
Ang men’s curling team gilangkoban nilang Marc Angelo Pfister, Enrico Gabriel Pfister, Christian Patrick Haller, Alan Beat Frei, og Curling Winter Sports Association of the Philippines president Benjo Delarmente.
Nahimong malampuson ang national team dihang gipildi nila sa finals ang South Korea sa score nga 5-3.
Sumala sa Philippine Sports Commission nga bandang 10:30 sa gabie sa Sabado ang pag-abot sa national team.
Gilauman nga sugaton nilang PSC chair Richard Bachmann, Commissioner Bong Coo, og Executive Director Paulo Francisco Tatad sa Ninoy Aquino International Airport Terminal 1.
