Gikoronahan ang pambato sa Pilipinas isip Reina Hispanoamericana 2025 sa coronation night nga gipahigayon sa Santa Cruz, Bolivia karong Lunes, Pebrero 10, oras sa Pilipinas.
Napildi sa Pinay beauty queen ang 24 nga uban pang kandidata sa international competition og gipasa kaniya ang korona gikan kang 2023/2024 winner Maricielo Gamarra sa Peru.
Sa finals sa pageant, girampa ni Maté ang iyang gold gown nga gi-disenyo ni Rian Fernandez.
Gawas sa major crown, nauli usab sa Filipina beauty queen gikan Cavite ang Best in National Costume award kung asa gisul-ob niya ang Ehrran Montoya dress nga inspired sa Baroque Churches sa Pilipinas.
Si Maté na ang ikaduhang Pinay beauty queen nga nagdaog isip Reina Hispanoamericana human unang madag-an ni Winwyn Marquez ang maong title niadtong 2017.
Ang pinay pride nga si Maté usa usab ka singer-model og ang girlfriend sa sikat nga singer nga si JK Labajo.
Unang misabak si Maté sa 2025 Miss Universe pageant kung asa nakadawat siya og special title gikan sa usa ka sponsor apan wala siya midaog.
Samtang, giproklama usab isip 1st runner up si Miss Colombia, 2nd runner up si Miss España, 3rd runner up si Miss Perú, 4th runner up si Miss Brazil og 5th runner up si Miss Polonia.
