Gibawi na ni Agri Partylist Rep. Wilbert Lee ang iyang certificate of candidacy (CoC) isip kandidato sa pagka-senador.
Gihimo ni Lee ang anunsyo karong adlawa, besperas sa campaign period para sa National and Local Elections.
Sumala sa magbabalaod, duol na ang eleksyon apan daghan pang lugar ang wala na niya naadtoan aron makaistorya ang mga katawhan.
Gibutyag niini, kinahanglan pa unta og mas taas nga panahon aron makapangandam sa political machinery para magmalampuson ang kampanya.
Sa pangutana usab kabahin sa iyang panglawas, giklaro niini nga wala siyay problema sa panglawas apan may mga butang siya nga gikasubo sa iyang kasingkasing.
Bisan pa, wala na niya gidetalye kaayo nganong nasubo ang kasingkasing ug kinsa ang usa nga may kalabutan niini.
