Makaya kaha sa tawo nga pildihon ang robot?
Ukon makaya kaha sa robot nga himuon ang mga makaya sa tawo?
Sa China, may ‘interesting’ nga kumpetisyon nga ginabantayan sa capital city sa Beijing kun asa magtigom ang linibo ka mga tawo nga runners nga makig-tigi batok sa bipedal robots.
Dili lang kini basta-basta nga mga robot tungod produkto sila sa nagapanguna nga robotics companies sa kalibutan sama sa Tesla, Boston Dynamics og 1X.
Mahitabo ang kumpetisyon sa Abril kun asa ang host mao ang Beijing Economic-Technological Development Area (E-Town).
Mukabat sa 12,000 ka mga tawo ang ginalauman nga magsalmot og dinosena nga bipedal robots sa maong half-marathon.
Para nga makapasakop ang robot, angayang aduna kini ”human-inspired appearance” og angayang ang kataason niini ang limitado lamang sa 0.5 hangtod sa dos metros.
Ang winner sa kumpetisyon — tawo man ukon robot — ang makabaton og reward nga kuwarta depende sa ilang performance.
May mga eksperto nga nagbutyag nga ang seasoned human runners ang may bentaha batok sa bipedal robots.
Ginabutyag nga ang range sa robot ang anaa lamang sa 8 to 12 km/h, gawas pa nga usa pa ka factor ang battery autonomy.
Una niini, nag-anunsyo usab ang organizers nga tugutan nila ang pag-ilis og baterya samtang padayon ang karera.
