Welcome alang sa Department of Energy ang pagsulod sa Maharlika Investment Corporation (MIC) sa National Grid Corporation of the Philippines (NGCP).
Kahinumdoman nga gikumpirma sa Malacañang nga gidawat na sa Synergy Grid and Development Philippines Inc. (SGP) ang tanyag ni Pang. Ferdinand Marcos Jr. nga kuhaon ang 20% share pinaagi sa MIC para masiguro nga adunay gigunitan ang goybyerno sa Pilipinas sa national grid.
Matud kang Energy Secretary Raphael Lotilla, ang pagsulod sa gobyerno sa NGCP ang magsiguro nga maprotektahan ang supply, reliability, og affordability sa power service sa nasod.
Sigurado usab matud pa nga maghatod kini og mas barato nga power service tungod sa maghatod kini og mas halapad nga kumpetisyon sa power sector.
Gihatagan ang MIC og duha ka board seat sa NGCP og SGP nga sumala sa DOE ang siguradong magpakusog sa koordinasyon tali sa DOE og NGCP.
Kini ang gilauman nga makatabang aaron mapalapad pa ang transmission connection og mapapaspas ang interconnection sa mga power grid sa nagkadaiyang isla sa nasod.
Gipaabot usab sa DOE nga matutukan ang mga proyekto sa NGCP sa pagsulod sa MIC nga nagrepresenta sa gobyerno og malikayan ang pagkalangan sa mga proytekto niini.
Gitumbok sa DOE ang daghang proyekto sa NGCP nga na-delay kung asa 98% sa mga nakumpletong proyekto gikan 2016 hangtod 2024 ang pulos delayed kumpara sa gitakda sa timeline kung asa pipila niini ang naabtan pa og kapin sa siyam ka tuig.
Kampante ang DOE nga makatabang ang MIC para mapugngan ang mga naasoy nga problema.
