Gisaway sa labor group ang desisyon sa Commission on Election nga ilakip si Kingdom of Jesus Christ Pastor Apollo Quiboloy sa Senatorial Race alang sa 2025 elections.
Kahibaloan nga sulod sa 19 ka panid nga petition sa Workers and Peasand Party nga gipangunahan ni Sonny Matula ang pagkondina niini sa Supreme Court nga ideklara si Quiboloy isip nuisance candidate ug ang sugyot nga i-disqualify kini sa nagkaduol nga eleksyon.
Sumala sa grupo nga nagpakita lamang matud pa ang COMELEC og double standard sa pag-apply sa procedural rules.
Subay sa maong grupo nga istrikto ang Comelec sa ubang mga kaso kon itandi sa kaso ni Quiboloy.
Nakalatid usab sa nasangpit nga reklamo nga tungod sa maong inconsistency nga gipakita sa COMELEC, mamahimo matud pang mahugawan ang prinsipyo sa pag-angkon ug patas nga proteksyon ug pagsunod sa patakaran og mga balaod sa demokratikong proseso.
Alayon niini, wala usay komento ang kampo ni Quiboloy mahitungod sa reklamo sa nahisgutang labor group.
Apan sumala sa abogado sa Pastor nga si Atty. Ferdinand Topacio, naglaum na lamang matud pa silang wala gamita ni Matula aron musikat ang pangalan niini alang sa umaabot nga eleksyon.
Nasayran nga usa usab si Matula sa mga Senatorial aspirant karong May 2025 election.
