Nipagawas sa iyahang pamahayag si kanhi appropriations panel chair Zaldy Co nipagawas kalabot sa iyang pagka-demotion sa iyang posisyon epektibo karong adlawa.
Matud pa ni Co sa usa ka pamahayag nga dako ang iyang pasalamat sa mayoriya sa kamara sa pagdawat sa iyang desisyon sa pagkanaog sa katungdanan isip chairman sa appropriations panel.
Si Co miingon nga iyang gihimo ang desisyon nga nakapasakit sa iyang kasingkasing.
Matod niya ang hinungdan mao ang iyang sakit o isyu sa panglawas.
Matod niya, kinahanglan niyang tutukan ang iyang pagtambal alang sa iyang panglawas.
Matod niya dili komedya ang trabaho sa komite sa Appropriations tungod kay taas kini og panginahanglan sa trabaho.
Matud pa niya, dako ang iyang pasalamat sa pagsalig nga gihatag kaniya ilabi na sa pagpangandam sa pundo sa gobyerno aron makatabang sa atong mga katagilungsod.
Gibutyag ni Co nga sulod sa tulo ka tuig iyang gipasigarbo ang Ayuda sa Kapos ang Kita Program o AKAP nga nahimong kontrobersyal.
Mapasigarbuhon siya nga isip sponsor sa budget sa gobyerno sa 2023, 2024 ug 2025, iyang gisiguro nga subay kini sa 8-point agenda ni Pang. Ferdinand Marcos.
Gipasalig ni Co nga ang pagkaanaa sa pundo alang sa legacy initiatives sa gobyerno sama sa health, housing ug food security, ilabina ang legacy hospitals ug contract farming magpabilin nga highlight sa iyang serbisyo.
