Nikuwestiyon ang Zero-waste advocacy group EcoWaste coalition sa wala pagpatuman sa littering ban atol sa Traslacion 2025.
Kini nunot sa ilang giingon nga “out-of-control littering” nga nahitabo taliwala sa tinuig nga kasaulogan sa kapistahan ni Hesus Nazareno.
Sa usa ka pahayag, ang grupo nag-ingon nga ang dili gusto nga mga tambak sa basura ang nahabilin sa tunga-tunga sa selebrasyon, hinungdan sa kakapoy sa mga boluntaryo ug mga trabahante sa basura.
Matod sa zero waste campaigner nga si Ochie Tolentino, bisan og gipatuman sa mga awtoridad ang higpit nga gun and liquor ban aron masiguro ang kalinaw ug kahapsay, ang grupo nahibulong nganong wala man gidili ang paglabay sa basura, nga matud pa niya usa ka environmental offense nga higpit nga gidili sa nasudnon ug lokal nga mga balaod.
Gikabutyag usab niya nga makaluluoy ang pagtan-aw sa walay pugong nga pagdili sa paglabay sa basura sa mga relihiyosong kalihukan taliwala sa pag-obserbar sa Zero Waste Month karong Enero ug ang ika-25 nga anibersaryo sa Ecological Solid Waste Management Act.
Matod sa koalisyon, pipila sa mga basura nga nakolekta naglakip sa mga gamit nga pangtulog, basura sa pagkaon, mga botelya nga puno pa sa ihi, hugaw nga mga lampin, mga plastik, upos sa sigarilyo, ug mga vape.
Samtang matod sab sa grupo, ang mga partisipante sa Pahalik, Fiesta Misa mayor ug overnight vigil sa Quirino Grandstand ug Parade ground wala manguha sa ilang mga basura ingon man sa mga karsada sa Quiapo.
Kalabot niini, ang grupo nag-apelar sa mga deboto alang sa usa ka mas limpyo, mas malungtarong selebrasyon nga subay sa diwa sa paghatag og bili sa pagtuo ug sa atong planeta.
