GENERAL SANTOS CITY – May giya na ang mga pasahero nga makaapas sa mga aktibidad nga adtu-an panahon sa Pasko ug bag-ong tuig.
Kini human gipagawas ang mga rota sa mga bus company nga adunay biyahe pagawas sa Bulaong Terminal sa syudad paingon sa nagkalain – laing destinasyon.
Ang Koronadal Gensan route ug Gensan to Davao route ang may 24 oras nga serbisyo.
Ang Gensan to Tacurong gikan ala una sa kaadlawon hangtud alas nueve sa gabii lamang.
Ang Gensan paingon sa Maasim, Kiamba ug Maitum area (MAKIMA ) alas singko sa buntag hangtud alas singko sa hapon.
Ang mga bus nga mubiyahe gikan sa Gensan paingon sa Bukidnoon ug Cagayan de Oro City ang mupahawa alas dose sa kaadlawon hangtud alas syete sa buntag lamang.
Ang mga bus paingon sa Cotabato City alas dose sa kaadlawon hangtud alas singko sa hapon ug ang bus nga mubiyahe paingon sa Pagadi-an City ug Dipolog City alas dose sa kaadlawon hangtud alas sais sa buntag.
