Gitawag nga malisyoso sa Office of the Speaker ang alegasyon nga na-stroke ug gidala sa hospital ang lider sa Kamara de Representantes nga si Leyte Representative Martin Romualdez.
Sa gipagawas nga pahayag kagahapong adlawa gibutyag ni Head Executive Assistant of the Speaker’s Office Lemuel Erwin Romero, nga nagtumong sa pagpakatag sa sayop nga impormasyon kalabut kang Romualdez aron maghatag ug kalibug sa publiko.
Hinuon gibutyag niini nga lagsik si Speaker Romualdez ug nagpadayon sa iyang trabaho. Gani gibutyag ni Romero nga miadto si Romualdez sa opisyal nga aktibidad kaniadtong Disyembre 6, lakip sa usa ka seremonya sa Malacañang.
Human gipirmahan ni Pangulong Ferdinand “Bongbong” Marcos Jr., ang duha ka bag-ong balaud nga gitambungan usab sa uban pang mga lider sa Kamara ug Senado.
Hangyo niini nga sa mga verified ug official sources of information lamang mutuo sama sa mga lehitimong media ug ibasura ang mga sayop nga impormasyon aron gub-on ang pagsalig sa publiko sa mga lider ug institusyon sa nasud.
