Sa probinsya sa Fujian, nipahigayon ang kapulisan og imbestigasyon sa usa ka sirado nga apartment sa usa ka high-rise residential compound.
Sa imbestigasyon, nasayran nga natulog pa ang kawatan sa apartment tungod adunay mga salin nga noodles ug linuto nga itlog sa kusina.
Gikuha pa ang habol ug unlan sa aparador ug gibilin sa higdaanan Sa dugang imbestigasyon sa kapulisan, aduna silay nakitang dugo sa bungbong….dugo sa lamok nga napatay.
Busa, gikuhaan nila og DNA sample ug gipaubos sa laboratory testing sa pagtuo nga gipatay kini sa suspek.
Ka-Bombo, sa pagtuo ug sa dili, paglabay sa pipila ka adlaw, ang suspek nga adunay apelyidong Chai natumbok nga adunay dakong criminal record.
Gipatawag si Chai alang sa interogasyon ug miangkon nga sad-an sa krimen. Sa pagkakaron, nabalhug na sa prisohan si Chai ug nag-atubang og daghang kaso.
