-- ADVERTISEMENT --
Dili makadula ang Phoenix Suns star nga si Kevin Durant sa musunod nga duha ka semana sa NBA tungod sa left calf strain nga nagakinahanglan pa og reevaluation.
Naangkon niini ang injury sa 114-113 nga kadaugan sa Suns batok sa host nga Dallas Mavericks.
Sa maong dula, naka-26 points si Durant sa sulod sa 37 minutos. Una ang Paris Olympics kun asa nakuha sa Team USA ang gold medal, nakasinati usab ang 14-time All-Star forward sa sama usab nga left calf strain. Dako ang nahimong papel sa 36-anyos nga veteran forward sa 8-1 record sa Phoenix karong season.
Naka-average siya og 27.6 points og 6.6 rebounds.
Sa maong season usab, nakahimo kini og record isip eighth player sa kasaysayan sa NBA nga milabas na sa 29,000 career points.
-- ADVERTISEMENT --
