Mupagawas ang Pilipinas ug bag-o ug ‘improve’ nga mapa sa nasod, nunot sa pagpatuman sa Maritime Zones act ug sa Philippine Archipelagic Sea Lanes Act.
Gipahibalo ni Usec. Peter Tiangco, Administrator sa National Mapping and Resource Information Authority, nga ang bag-ong mapa maglangkob sa tanang lugar nga sakop sa soberanya ug katungod sa soberanya sa Pilipinas, lakip ang West Philippine Sea.
Kini katumbas sa 9-dash line nga mapa sa Pilipinas sa China.
Matod ni Tiangco, ang dakong kalainan sa mapa sa Pilipinas kay aduna kini legal nga basehanan ug gisuportahan sa kasamtangang mga balaod.
Sa pagkakaron, niingon si Tiangco nga nagpaabot na lang sila sa pagpagawas sa Implementing Rules and Regulations aron ma-adopt na kini ug mapublikar na.
Nasayran nga ang Pilipinas katapusang nagpagawas og mapa niadtong 2012
.
