Miubos ang ihap sa mga filipino nga walay trabaho ug mitala na lamang sa 1.89 million sa September gikan sa 2.07 million kaniadtong August, sumala sa Philippine Statistics Authority (PSA).
Matud ni PSA chief ug National Statistician Claire Dennis Mapa nga ang ihap s a walay trabaho ang mitala sa 3.7% sa September nga mas ubos sa 4.0% usa ka bulan ug 4.5% atul sa susama nga panahon nakalabay nga tuig.
Samtang ang employment rate sa September misaka ngadto sa 96.3% ug misaka gikan sa 96.0% kanaidtong Agusto ug 95.5% sa September 2023.
Hinungdan nga may 49.87 million Filipinos ang may trabaho kaniadtong September, kumpara sa 49.15 million sa agusto ug 47.67 million sa September miaging tuig.
Sumala kang Mapa, adunay 5.94 million sa 49.87 million nga employed individuals ang gusto nga dugangan ang ilang trabaho aron adunay dugang usab nga kita.
Nagpasabot ang underemployment rate sa September misaka sa 11.9% gikan sa 11.2% isa August 2024.
