Nanghawod sa individual all around si Karl Eldrew Yulo sa JRC Artistic Stars Championships sa Thailand hinungdan naangkon ang gold medal.
Kini human gipasigarbo sa Gymnastics Association of the Philippines dihang miapil si Yulo sa MAG Junior division .
Gawas kang Karl Eldrew, nga igsuon ni Olympic double gold medalist Carlos Yulo nakuha usab sa team ang silver medal sa junior men’s artistic gymnastics.
Nagpakita usab sa pinasahi nga katakos si Jacob Alvarez, sa MAG Pre-Junior category human gisakmit ang lima ka gold sa individual all-around, vault, floor exercise, horizontal bar, ug still rings, samtang nakuha ang silver sa pommel horse ug parallel bars.
Kahinumduman nga gipailawom sa pagbansay sa Japanese coach Munehiro Kugimiya ang kanhi coach ni Carlos ang iyang mga igsuon nga silang Karl Eldrew ug Elaiza Yulo.
Ang pagdaug ni Yulo ang golden comeback sa nakuha nga silver sa nakalabay nga JRC competitions luyo nga unang higayon sa nasud nga magbaton ug Junior team sa JRC championships.
Sunod atubangon ni Yulo kauban silang King Cjay Pernia, ug Hillarion III Palles ang Apparatus Finals.
