Mukabat sa 93 ang patay sa pagpangatake sa Israel sa sidlakang bahin sa Bekaa valley nasud Lebanon.
Matud sa Lebanese Health Ministry nga lakip sa namatay ang duha ka bata nga naigo sa strikes sa 16 ka lugar sa Baalbek region.
Gikadugang pa nga daghan ang nasamdan samtang nagpadayon pa ang rescue efforts sa valley nga kuta sa militanteng Hezbollah.
Sa karon wala pa nagpagawas ug pahayag ang Israel military kalabut sa naasoy nga pag-atake.
Samtang gitawag ni Baalbek Governor Bachie Khodr nga pinaka bayolente nga pagpangatake sugod sa nakalabay nga bulan sa conflict tali sa Israel ug Hezbollah.
Kahinumduman nga mukapin libu ka air strikes ang gilusad sa Israel sa Lebanon sa mga nakalabay nga lima ka semana ug target ang mga operatiba, imprastruktura ug mga armas sa Hezbollah.
