GENERAL SANTOS CITY – Bisan pa sa mga pasalig sa LGU daghan sa mga vendors ug mga stall owners sa central market sa Gensan ang gikataho nga mudangop sa Office of the Ombudsman aron kwestyunon ang plano nga pagpabarog ug mallengke nga nagkantidad ug P2.3 billion .
Kini human nagpatabang kang Vice Mayor Rosalita Nuñez ang daghang market vendors ug nagpangutana sa sitwasyon sa central public market.
Ang plano nga mallengke ang ugat sa kontrobersiya human giaprubahan sa Konseho ang dinali-an nga resolosyon nga pagpaayo sa central public market pinaagi sa Public Private Partnership luyo sa kakulang sa mga rekositos, paperwork, ug kunsultasyon sa mga market vendors.
Kaniadtong Agusto gipasalig ni Mayor Lorelie Pacquiao nga ang syudad gihapon ang manag-iya sa palengke.
Gani ang kaayuhan matud pa sa vendors ug general public ang nag-unang konsiderasyon aron ipadayon ang dugay ng plano nga pagpaayo sa public market.
Una nga gipasanginlan sa pipila ka opisyal sa syudad nga babag sa kabag-uhan sa central public market ang mga indibidwal nga nalambigit sa illegal activities apil ang nagparenta sa ilang stall sa ubang tawo.
