Nakaapekto sa pipila ka baybayon sa pito ka probinsya sa tibuok nasud ang red tide.
Base sa report nga giluwatan sa Bureau of Fisheries and Aquatic Resources, ang mga mosunod nga positibo sa Paralytic Shellfish Poison (PSP) o toxic red tide:
Dumanquillas Bay sa Zamboanga del Sur; kabaybayonan sa Daram Island, Zumarraga Island, Irong-Irong Bay, Maqueda Bay, ug Cambatutay Bay sa Samar; Matarinao Bay sa Eastern Samar; Carigara Bay sa Leyte; kabaybayonan sa Tungawan sa Zamboanga Sibugay Province; ug Lianga Bay sa Surigao del Sur.
Ang kabaybayonan sa Biliran Island sa Biliran Province nadugang sa listahan sa BFAR karong adlawa.
Pahimangno sa BFAR, dili luwas kan-on ang tanan nga shelfish ug alamang .
Apan ang isda, nukos, hipon, ug mga alimango nga makuha ug makolekta mamahimo gihapon nga lutoon ug kan-on basta kini limpyo ug maayo nga pagkaluto.
