Gipangandaman ang pag-igo sa Hurricane Milton samtang gapadulong sa kadagatan sa Florida human miigo sa Yucatan peninsula sa Mexico.
Gani mukapin sa usa ka milyon ka mga tawo ang gimandu-an nga mubakwit una muabot ang category 4 nga bagyo.
Ang Florida ang wala pa nakarekober human miagi ang Hurricane Helene ang wala pay duha ka semana ang nakalabay dihang kini naglandfall.
Sumala sa US National Hurricane Center posebli nga maigo sa Tampa Bay metropolitan area nga gipuy-an sa tulo ka milyon ka mga residente nga bag-o lamang gihuros sa bagyong Helene.
Matud ni Florida Governor Ron DeSantis nga gi activate ang 8,000 ka National Guard members aron magdeploy ug mga truck loads sa supplies ug equipment duol sa lugar nga maigo sa paglandfall.
Ang Hurricane Milton adunay maximum sustained winds nga 155 mph kon 250 kph ang gi downgrade gikan sa category 5 ngadto sa category 4 sa Saffir-Simpson scale sumala sa advisory sa US National Hurricane Center.
