Gihulipan na ni Vice Governor Athena Bryana Delgado Tolentino ang posisyon sa Gobernador sa Cavite human sa pagkatuboy ni Pangulong Ferdinand “Bongbong” Marcos Jr. kang kanhi Gov. Jovic Remulla isip bag-ong kalihim sa Department of Interior and Local Government (DILG).
Nanumpa si Tolentino isip gobernador sa Cavite sa Tagaytay City Martes, Oktubre 8.
Midaug siya sa vice gubernatorial race niadtong 2022 elections og gikuha ang ikaduhang labing taas nga elective position sa probinsya sa Cavite kaniadtong Hunyo 30, 2022, human magserbisyo isip City Councilor sa Tagaytay City gikan 2019 -2022.
Si Tolentino, 26, ang usa sa mga labing batan-ong public servant sa nasud.
Gihimugso si Tolentino niadtong Hunyo 11, 1998.
Siya ang anak ni Tagaytay Mayor og Philippine Olympic Committee chairman Abraham Tolentino og pag-umangkon ni Senate Majority Leader Francis ‘Tol’ Tolentino.
Siya usab ang unang babayeng bise gobernador og unang babayeng gobernador sa Cavite.
Gibutyag sa batan-ong Tolentino nga ipadayon niya ang mga programa og proyekto sa nangaging gobernador, ngakaron magdumala sa DILG. (VP)
