Kanhi Ilocos Sur Gov. Chavit Singson, nagsumite na og COC alang sa senatorial race

Nagsumite na og kandidatura si kanhi Ilocos Sur Governor Luis “Chavit” Singson.

Sayong miadto si Singson sa filing area sa Comelec sa Tent City sa Maynila.

Nag-unang adbokasiya matod pa niya ang pagtabang sa mga anaa sa sektor sa transportasyon.

Kini matod pa ang nasugdan na niya bisan kaniadtong anaa sa local post pa lamang siya.

Gawas sa pagka-politiko, usa usab ka negosyante si Singson nga gahimo og mga sakyanan.

Ulahi kining nagserbisyo isip mayor sa Narvacan, Ilocos Sur sugod 2019 hangtod 2022.