Gisundan sa China Navy ang joint sea og air activities sa Pilipinas kauban ang Australia, Japan, og New Zealand sa West Philippine Sea, sumala sa Armed Forces of the Philippines (AFP) adlaw nga Dominggo.
Giorganisa sa China’s People Liberation Army Southern Theater Command ang ilang mga naval og air forces alang sa routine reconnaissance, early warning, og sea-air patrol exercises duol sa Bajo de Masinloc (Panatag, Scarborough Shoal) niadtong Sabado, dungan sa Multilateral Maritime Cooperative Activity (MMCA) kung asa nagpahigayon og drills ang naval og air force units sa Pilipinas, Australia, Japan, og New Zealand sa Northern Luzon nga kabahin sa West Philippine Sea.
Matod kang AFP Spokesperson Col. Francel Margareth Padilla, namonitor sa militar sa Pilipinas ang mga barkong pangdagat sa China sa palibot samtang gipahigayon ang exercise apan gihingusgan nga ang multilateral exercise ang nagpadayon subay sa plano nga walay unsa magng pagpanghilabot ug wala nabutang sa peligro ang mga barko sa mga nasud nga misalmot.
Gipadala sa AFP ang BRP Antonio Luna (FF151), BRP Emilio Jacinto (PS35), usa ka AW109 helicopter, og mga asset sa Philippine Air Force Search and Rescue (SAR) sa multilateral exercise kauban ang USS Howard (DDG83) sa US Navy, HMAS Sydney (D48) sa Australia, JS Sazanami (DD113) sa Japan, og HMNZS Aotearoa (A-11) sa New Zealand.
Lakip sa mga aktibidad ang pre-sail briefing, communication exercises (COMMEX), cross-deck exercises, division tactics/officer of the watch (Divtacs/OOW) drills, photographic exercises (PHOTOEX), replenishment at sea (RAS) approaches, maritime domain awareness (MDA) exercises, og contact reporting, tanan ang gidisenyo aron pahugtan pa ang operational readiness og collaborative capabilities.
