Gihuptan na sa Barangay Ginebra ang unang daog sa best-of-five quarterfinals nila sa Meralco Bolts 99-92 sa PBA Governors’ Cup.
Mibida sa kadaugan sa Gins si Justin Brownlee nga adunay 29 points, 12 rebounds, pito ka assists og tuto ka steals sa dula nga gipahigayon sa Ninoy Aquino Stadium.
Adunay natampo nga 19 points, lima ka rebounds og lima ka assists si Scottie Thompson samtang adunay 14 points og lima ka rebounds usab ang natala ni Stephen Holt.
Miabot sa 15 points ang labaw sa Gin Kings 66-51 sa third quarter.
Gibutyag usab ni Ginebra coach Tim Cone nga wala sila nagkumpiyansa sa ilang pag-angkon ug labaw nga iskor og hilabihan kining nalipay tungod nakuha nila ang unang kadaugan.
Nasayang usab ang nahimong 23 points og lima ka rebounds ni Cliff Hodge samtang 20 points ni Chris Newsome og 17 points, 13 rebounds ni Allen Durham
