Gidepensahan sa mga sakop sa bandang “Journey” ang ilang Pinoy vocalist nga si Arnel Pineda kalabot sa iyang performance sa Rock in Rio Music Festival sa Brazil, diin pipila ang wala malingaw.
Sa Instagram post sa drummer sa banda nga si Deen Castronovo gipadangat niini nga mga punong nga, “Arnel has RISEN to the challenge of Journey’s catalog, NIGHT after NIGHT, YEAR after tiring YEAR!” Gipasiugda usab ni Deen nga ang tingog sa usa ka tawo gikonsidera nga “biological instrument” nga maapektuhan sa lainlaing mga hinungdan.
Gi-message pa niya ang mga bashers nga, “Back off trolls! You are messing with my family now and I am a rabid protector of my own.” Nagpadayag usab ug suporta kang Arnel ang keyboardist sa banda nga si Jonathan Cain pinaagi sa post nga, “you are not going anywhere.”
Kahibaloan nga nangayo ug pasaylo sa mga fans si Arnel nga wala makauyon sa iyang performance sa Brazil tungod naglisod siya pag-abot sa taas nga nota sa ilang kanta nga “Don’t Stop Believin.”
