SOUTH COTABATO – Malipayon ang mga peronahe sa Department of Environment and Natural Resources kon DENR 12 human nga adunay upat ka Rafflesia verrucosa ang nakit-an sa Sitio Datal Ngisi ug Sitio Glandang sa Barangay Kablon Tupi South Cotabato.
Ang Rafflesia verrucosa usa ka matang sa bulak nga endemic sa Pilipinas ug gikonsidera nga ‘critically endangered’ ning lungsod.
Matud sa DENR nga ang usa sa maong tanom ang adunay gilapdon nga 28 sentimetros ug 11.43 sentimetros ang gitas-on.
Samtang matud ni DENR regional executive director Atty. Felix S. Alicer nga ang pagkadiskubre sa maong mga tanom maoy pruweba nga buhi ang biodiversity ug ecosystem sa palibot sa Mount Matutum Protected Landscape.
Ang maong matang sa bulak ang nag gikan sa genus o pamilya sa parasitic flowering plants ug gikonsidera nga usa sa pinakadako nga bulak sa tibuok kalibutan.
