Nangandam na ang US Defense Department og kapin sa $567 million security package alang sa Taiwan.
Base sa gipagawas nga taho sa Pentagon, naaprobahan na ang maong kantidad ug nagpaabot na lang sa pirma ni US Pres. Joe Biden.
Lakip sa kapin sa tunga sa bilyon nga security package mao ang mga military drone, mga armas nga anti-armor, mga stockpile sa militar, air defense, “multi-domain awareness” ingon man ang mga training aron sa paggamit niini.
Ang military deal kay gawas pa kini sa $228 million aircraft spare parts sa eroplano nga gipahibalo sa Pentagon karong semanaha.
Sa bulan sa Abril, giaprobahan sa Kongreso sa US ang $1.9 billion nga stockpile sa armas sa mga nasud sa Indo Pacific nga ang pinakadako niini moadto sa Taiwan.
Ubos sa pamunoan ni US President Joe Biden, anaa na sa 16 ka higayon nga naka-isyu og mga arm deals alang sa Taiwan.
