Giaprubahan na sa mga prosecutor sa Department of Justice (DOJ) ang pagpasaka ug kaso batuk kang dismissed Bamban, Tarlac mayor Alice Guo ug mga kauban alang sa qualified human trafficking, sumala sa Presidential Anti-Organized Crime Commission (PAOCC).
Sa usa ka press conference gibutyag ni Justice Undersecretary Nicky Ty nga ilawom sa balaud, ang mga individual nga nag organize ang nalambigit sa human trafficking. Matud pa depensa sa kampo ni Guo ug uban pang mga respondent nga wala sila mag recruit, wala gapanakit, ug wala usab nag torture sa mga biktima, apan dili matud pa kini epektibo sa bag-ong balaud.
Gawas kang Guo sumala kang Ty mupasaka usab ug kaso ang DOJ batuk sa mga kauban nga silang Zhang Ruijin, Lin Baoying, ug Huang Zhiyang, nga giila usab sa Presidential Anti-Organized Crime Commission (PAOCC) ang gitawag ug boss sa tanan nga illegal POGOs. Apil usab ang kanhi Technology and Livelihood Resource Center (TLRC) deputy director general Dennis Cunanan kauban ang uban nga mag incorporators.
