Nakabalik na sa nasud si kanhi Iloilo City Mayor Jed Patrick Mabilog human ang halos pito ka tuig nga pagtago sa ubang nasud.
Ang iyang pagbalik human ma-tag isip usa ka narco-politician kaniadtong administrasyon ni kanhi Pangulong Rodrigo Duterte.
Sa iyang pagbalik sa Ninoy Aquino International Airport (NAIA) Terminal 3, alas 11:00 AM, Setyembre 10, 2024, sakay sa Cathay Pacific flight gikan New York, United States, gitagbo si Mabilog sa mga operatiba sa National Bureau of Investigation (NBI).
Gikumpirma ni NBI Director Jaime Santiago sa eksklusibong poakighinabi sa Bombo Radyo nga boluntaryong misurender si Mabilog sa mga sakop sa NBI-NCR.
Sumala kang Santiago, gibasa kang Mabilog ang warrant of arrest tungod sa mga pagsupak sa RA 3019 (Anti-Graft and Corrupt Practices Act) og Code of Conduct and Ethical Standards.
Ang warrant of arrest ang na-serve sa NAIA Terminal 3 sa NBI-IAID sa Pasay City.
Kustodiya sa NBI-IAID si Mabilog kung asa mipailawom sa proseso.
