Gikasuhan sa Department of Justice si dismissed Bamban Mayor Alice Guo ug money laundering lakip si Shiela Guo, Cassandra Ong, ug mukapin trenta ka mga kauban.
Gipangunahan sa National Bureau of Investigation (NBI), Presidential Anti-Organized Crime Commission (PAOCC) ug Anti-Money Laundering Council (AMLC) ang pagsumite ug 87 ka ihap sa kaso.
Kini may kalabutan sa hisgutanan sa mga transaksyon nilang Guo ug uban pang personalidad sa Hongsheng Gaming Technology, Baofu Land Development Inc., ug Zun Yuan Technology Inc.
Matud kang DOJ Undersecretary Nicholas Felix Ty, wala makapasa sa requirement si Shiela Guo aron mahimong testigo, tungod niini mismo siya ang may dagkong kalambigitan sa mga iligal nga aktibidad.
Lakip si Justice Secretary Jesus Crispin Remulla ang nagpadayag ug pagduda sa kamatuoran sa mga testimonya ni Shiela dihang miatubang sa mga senador bag-uhay lamang.
Una nga nagpagawas ang Court of Appeals (CA) ug freeze order sa mga bank accounts ug uban pang assets sa gipalagpot nga alkalde human giakusahan nga nalambigit sa operasyon sa POGO sa iyang lugar.
