Tensyonado ang budget hearing sa proposed kapin 2-billion pesos nga 2025 budget sa Office of the Vice President kagahapong adlawa tungod sa wala pagtubag ni vice President Sara Duterte sa mga pangutana mahitungod sa budget sa iyahang opisina ning mi-aging mga tuig 2022 ug 2023.
Matud sa besi presidente, dili siya mutuo nga ang budget sa Office of the Vice President (OVP) ilawom sa iyang termino, kinahanglang ikumpara sa budget ni kanhi Vice President Leni Robredo, tungod matud pa sa kapakyas sa iyang predecessor pagpangayo og “fair budget” atol sa iyang pagpangatungdanan.
Atol sa hearing sa House Appropriations Committee, gitubag ni Inday Sara ang ubay-ubay nga mga isyung wala’y kalambigitan sa budget nga gi-atubang sa iyang buhatan sa naalabay nga mga bulan.
Apil na niini ang ihap sa mga security personnel nga gi-detail kaniya kansa sigon sa iyang mga kritiko apil na sa mga magbabalaud, kuwang ra kumpara sa na-assign sa mga nangaging besi presidente.
Gibutyag pa niining iya na lang ihatag ngadto sa mga kongresista ang desisyon kung ila kining aprubahan o dili.
Wala kapugong si House Appropriations Committee Senior Vice Chairperson Stella Quimbo sa iyang kaugalingon ug gipadayag nga gasayang-sayang ra sila og oras sa budget hearing sa Office of the Vice President kung dili tubagon sa Bise Presidente ang ilang mga pangutana.
Wala usab palabya ni Duterte si Deputy Minority Leader France Castro sa ACT Teachers dihang gipangutana kini kung gi-unsa niya paggasto ang 125-million pesos nga confidential funds niadtung 2022.
Tubag ni Duterte, wala’y koneksyon ang maong pangutana sa pagdungog ilabina nga walay confidential funds ang iyang proposed budget sa 2025 kansa daling gisaway ni Castro dayong padayag nga unta dili mag-ala nokus si VP Sara nga kung ma-ipit na, magpagawas na og ata.
Subay sa maong tinubagay, makadaghang higayon gipahinumdoman si Duterte nga e-observe ang decorum, ug ning-abot pa sa punto nga gihangyo ni Duterte ang committee chair, nga si Ako Bicol party-list Rep. Elizaldy Co nalang maoy mangulo sa hearing inay nga si Quimbo, kansa wala usab tuguti sa house.
Alayon niini, gisugyot nalang ni Zambales 1st District Rep. Jefferson Khonghun ngadto sa mga kaubanan niini sa kongreso nga himoon na lang karong September 10, ang maong deliberasyon kondiin walay ning babag niini.
