Dayon ipadeport sa China ang igsuon ni ex-Bamban Mayor Alice Guo nga si Sheila Guo sa oras nga maresolba na ang tanan nga criminal charges batuk kaniya sumala sa Bureau of Immigration.
Gibutyag sa BI nga si Sheila Guo ang usa ka Chinese citizen kung asa ang pangalan nga nakabutang sa iyang pasaporte ang Zhang Mier.
Sa karon, nakadetine si Sheila Guo sa National Bureau of Investigation.
Nag-atubang kini ug kaso nga obstruction of Justice, pagkustudiya ug pugante ug pagsupak sa Phillippine Passport act kauban ang negosyante nga si Cassandra Ong.
Sa deportation case nga giatubang ni Sheila sa BI, kung makumpirma nga ilegal niini nakuha ang iyang PH documents, pabalikon kini sa China tungod naghupot kini ug Chinese passport nga mu expire sa 2031.
Sa karon sumala kang Immigration Commissioner Norman Tansingco, suspendido ang deportation ni Sheila Guo samtang nagpaabut pa sa resolution sa iyang criminal cases ug uban pang tulubagon sa Pilipinas.
